BEPA I VANE – svaki dan po jedan ricet…
od PrimoštenPlus I.P.
Slični članci
svaki dan po jedan ricet…
Ad. 2) Naše žene nisu imale bogatu gaštronomsku ponudu, ali ono ča su skuvale bilo je za prste polizati. Izbor namirnica bija je skroman, ali su zato uvik vodile računa da na stolu bude „meso iz kože“, „riba iz mora“, a zelje „iz vrtla“, jer nedaj Bože da koga od ukućan uvati gonjavica.
Bepa i Vane izvukle su iz svojih starih i mudrih glav nike stare recete kako se ča kuva:
PAŠTA I FAŽO
Vazmi šaku – dvi fažola, večer prija ga priberi od šporkice i namoči u ledenoj vodi. Bilo bi dobro, ako imaš i koji ćućuk zamočiti. Mrsnije je i bolje mrliše! U velišku teću nali ledene vode, stavi namočeni fažo i suho meso. Koju karotu (oliti mrkvu ako neznaš ča je karota) , moreš i kumpirić, pomidoru, oli ča drugo za kunču. Neka uru – uru ipo kuva, a unda stavi paštu, šubijote oli penete, oli ča imaš u skanciri. Ka je pašta u po gotova, napravi zafrig i uli ga u pašta fažol. Ka lipo zagusti, skalaj sa špakera i pušći da počine.
od PrimoštenPlus I.P.
Zadnji članci
