Bilo prije 10 godina….

Slični članci

• VIDEO – Bolje da nestane sela nego običaja
• Novo predavanje u knjižnici – ovaj put o zdravom životu
• Najbolji bicikli na svijetu stižu u Primošten

PODSJETNIK NA UŽANCE PODGREBEN 2014-2024 

Tako je to bilo prija 10 godin. I gotovooo.

Nema više ljudi koji će se svin silan truditi da se prisićamo naših lipih običaji – užanci.

Svi čekaju da to niko drugi organizira, ka ima nika poduzeća koja se samo bavu organiziranjen. Koćeš od pireva, raznih fešt pa diboto i sprovoda. 

Ma lipo, neka ljudi radu i zaradu, ali se vajk pitan, ma kako tuji čovik more znati kako smo mi dihali u na vrimena, kako smo se sulacali, podbadali,  idili, ča smo radili, kako smo pivali i plakali, a jopet more biti da sve to piše i u nikaman tamo fojima ,  jerbo san i ja ve slike i vo štivo oliti pozivnicu našla.

Pa evo se svi skupa sitimo. 

Ma živili naši običaji makar u fojima 😊

„Čekamo vas uz  sočivo, srdele, obotnicu,  sir, teke gude oli janjeta, čaša ili više vina crna oli bila , ča ko voli nek izvoli..a i čaša pive… mada su naši stari pili polomlik a ne pivu,,, ali diš u ovo vrime ostaviti čovika bez pive….nezamislivo….a biće i malo pisme,(klape i Old school, Kampanel), pa  kola ( KRČ-folkorna skupina Primošten),  i narodnih običaja … morete zaviriti i u naše stare kužine, komine, konobe, dvore..morete viditi i dikoju beštiju (kokošu, ovcu oli tovara) , morete se litretati(slikati) za uspomenu, oli kupiti domaći suvenir…….lipo dođite i sami se uvirite ča sve morete…… dobro došli!