Predstavljanje nove knjige Bepe i Vane

od PrimoštenPlus I.P. 31 svibnja, 2023 11:35

Slični članci

Bepa i Vane pišu ŽENSKI LIBAR i namisto da već udrinaju treću knjigu, one udri po onoj prvoj, jerbo su čule da puno svita pita, nakon šta su proštili II Libar: „A di je prvi libar?“
Tako su ti one , s veliškon pomnjon teke opiturale stari, prvi libar da bude lišji

Za svoju šiljegvicu, kako je od dragisti zovu, odabrale su veliška slova za sve svoje ćorave vršnjakinje, a bome i vršnjake, da mogu lipo čitati i da in bude ćaro prid očiman, jer mlađarijii to ne triba.

Ako ima još kogod da se pita: „A ko su te Bepa i Vane?“
E to su van ljudi moji dvi kurijožaste primoštenske starice, još pri zdravoj pameti, oštroga jazika i dobroga duha. Godine su in dale potribitu mudrost da pridosite belaja. Njihovi likovi oblikovali su se spontano, postale su najprvo kroničarke Primoštenskih Užanci, dok su se održavale, a sada ti se znaju vući od mista do mista , od fešte do fešte i sve upijaju, ništo čuju, ništo vidu a ništo bome i naslutu.
Tuka se čuvati njihova jazika a i pera bome, jer te dikod falu, a dikod te i sašiju i lipo ofregaju da se ne tribaš sapun fregati baranko misec dan.
Za sebe kažu da dobro znadu i svidoču životon da je svaka naša stara Primoštenka imala baranko duplo zapovidi i još koju povrh da joj ne kriva, nego ča ih je dragi Bog da Mojsiju.
Pa tako su pisale : Ča triba znati svaka Primoštenka: ricete za iće naših starih, kako se vežije peča, malo poezije, malo proze i pregled kroz Užance i puno lipih slik našin malih mista i Sela.
Budite i vi kurioži, pa dođite viditi i poslušati šta imaju za reći o svon libru a i morete ih pitati ako van ča nije ćaro.
Vratimo se u vrime naših didova i baba , obnovimo na tren i neke drage uspomene i prisitimo se riči koje smo možda negdi smetnili s uma jer ih ne koristimo.
Vidimo se 03.06.2023 godine u 20.00 sati u parku kod crkve sv. Roka
Dobro došli!!!!!