Najava – Fažolijada 2017.

PrimoštenPlus I.P.
od PrimoštenPlus I.P. 16 studenoga, 2017 13:03

Najava – Fažolijada 2017.

Čuli ste za fažolijadu, bili ste ili niste bili. Nebitno! Svi znaju da je to dobro i da triba viditi. Prijavite svoj tim i pokažite da je baš vaš fažol najbolji.

Evo par riči o fažolu….

Vidin malopri jednu strašnu, raspamećenu, bogohulnu ideju ricete “fažol na mliko”…da mu pasmater …je, kak ima bedaka, ti vrapca – ovo su njegove riči (Šime oli Štefa)…

Ma judi moji koja to mona može tako nešto i pripomisliti…ja evo već po ure dolazin sebi…

Fažol naš dobri, dragi, narodski…hrania siromaje u sva vrimena…onako skroman kako samo fažol more bit…

Posli se malo proluksuzira pa je počeja tražit sve više i više…pa mu se otilo bokunić pancete…pa malo suvog mesa…pa u sve to još manistre…

I bome počea on izlazit iz siromaških, težačkih kužina i u susidne ribarske…ribari bi dodavali ono ča su oni jemali, pa je to biafažol na brujet

Uputia se i do gazdinskih kuća uz dodatak kosti od pršuta (jer su ovi, falatibože, imali za se pršuta, za razliku od sirotih težaka koji su to čuvali samo za popa i likara)…

I tako su prolazila stolića, sav svit se navuka na njega…bia je on nezaobilazna hrana svih vojnika… simbol druženja kod običnih radničkih marendi u tvorničkim menzama…kod svih većih građevinskih radova…sportskih takmičenja…svugdi di je tribala snaga i okripa…izilo se na tone tega fažola (o nus pojavama ovdi neću govorit)…dospia čak na svečane prigode kako je1.maja
Tako se more reć da je od prosjaka nasta kraljević.
I onda bi on meni usuja mliko…damumlikomaterino…ma koje monade judi danas samo izmišljaju samo da nije ka ča jest!!!

P.S. Nadan se da ovod neće zalutati taki jedan ludonja i počet propagirat zdravu hranu.

P.S.S. A možda je oni otija reć “riži na mliku”…ajme otkad to nisan jila…ma otkad mi matere nima, puno ja tega nisan više kušala…je da san se trudila pokoji put i sama kuvat te stare stvari, al nima nikad ka ča mater kuva…

P.S.S.S. Vidi ča san našla apropo fažola…a sićate se one čuvene “Aleksa, vrati se, skuvala san ti pašta fažol”…
Kašteta
I zato počnite s pripremama,  prijavite se ako još niste i vidimo se 16.12.2017. na našoj prilipoj plaži  “Mala Raduča”

Prijave na : [email protected] ili 099/5121285


 

PrimoštenPlus I.P.
od PrimoštenPlus I.P. 16 studenoga, 2017 13:03